Laurdag kl. 10 er valdrisen Erland Joplassen førstemann ut i spel hardingfele kl. A, og når nr 14 og sistemann Frank Rolland frå Hardanger har spela sine to obligatoriske slåttar, har dommarane fått noko å tenkje på. Endå verre blir det truleg å vera dommar når 20 skarpskodde spelemenn på vanleg fele stiller til start laurdag ettermiddag.
I begge klassene stiller fjorårsvinnarane opp. Men verken Tore Bolstad (hardingfele) eller Torill Aasegg (fele) kan kjenne seg trygge på å kopiere innsatsen frå Rauland 2001. Her er fleire kandidatar til topplasseringa, og blant hardingfelespelarane er både yngste skotet på Buen-stamma, Per Anders Buen Garnås frå Bø, og ein av veteranane, Øyvind Brabant frå Nesbyen, gode nok til å vinne. Eller kanskje skal vi oppleve ein sensasjon med ein kvinneleg spelemann på toppen av sigerspallen? I 1960 delte Signe Flatin Neset førsteplassen med Odd Bakkerud, så det er lenge sidan sist. Åse Teigland frå Granvin i Hardanger var berre hårfint bak Bolstad i fjor, og Knut Hamres dyktige elev har forlengst spela seg opp i hardingfele-eliten.
Det er uvanleg høg kvalitet også i A-finalen på vanleg fele i år. Her er tidlegare vinnarar på rekkje og rad. Den fremste utfordraren til Torill Aasegg frå Byneset er kan hende ein annan sørtrønder – Trond Westberg frå Brekken som vann for to år sidan. Gudbrandsdølane stiller mannsterkt på heimebane, og Øystein Rudi frå Fron, frontfigur i gruppa Kvarts, har to sigrar frå før. Ungdommen bankar på her òg, Ingunn Linge Valdal, Andreas Skeie Ljones, Ingunn Bø og Gjermund Larsen vil vera å finne blant dei aller fremste.
Spenninga vil først bli utløyst under Meisterkonserten sundag. Då blir dei tre beste i kvar kategori henta inn og resultatet kunngjort.
Vokal A
Klasse A i kveding, eller vokal folkemusikk som det nå heiter, syng fredag ettermiddag. Også her er utfallet heilt ope. Gunhild Tømmerås som bur i Sverige, men syng i setesdalstradisjon, har vunne landskappleiken tre gonger og kan gjerne gjera det på nytt, men det er lenge sidan ein mann har vunne vokal A, og dei to siste års nr 2, telemarkingen Jon Anders Halvorsen, er sjølvsagt i favorittsjiktet. Det same gjeld tidlegare vinnarar som Ingvill Marit Garnås og Berit Opheim, men kanskje ligg det også her til rette for ein liten sensasjon – med fjorårets vinnar av vokal B, allsidige Odd Nordstoga, som ein svært interessant runner up.
Kongepokal
Den årlege kongepokalen på Landskappleiken går i år til beste par i dans hardingfele kl. A. Då landskappleiken for fem år sidan sist gjekk i Vågå, vann telemarksdansarane Hæge Manheim og Johan Vaa. Dei er med i år også og satsar på å forbetre femteplassen frå i fjor. Fjorårsvinnarane stiller ikkje i år, men søskenparet Liv og Nils Øyvind Bergset frå Numedal er sterke aspirantar til pokalen etter sølvplass i fjor. 24 «ekvipasjar» stiller til start fredag middag.
Vossa Jazz-sjefen slutter
Daglig leder i Vossa Jazz, Roger Urhaug, har sagt opp etter knapt et år.
Hvor brenner det, Egon Holstad og Sigurd Elgenes?
Hvor er musikkjournalistikken på vei? Hvordan imøtekommer vi en stadig mer uforutsigbar fremtid? Hva kjennetegner god anmelderkunst? Her er spalten for deg som vil høre mer om de store spørsmålene i musikkbransjen.
Fest i klangfargerike med forstyrrande ubehag og lågfrekvent stille
Ballade jazz: Superspreder har naila det på si andre plate, Geir Sundstøl feirer ti år som soloartist, vi får klangleg skulptur frå Sofa, og orkestrert stille frå Bristol.
Norsk premiere på "Elja" med Kronos Quartet og Benedicte Maurseth
Verdenskjente Kronos Quartet inntar Oslo for norsk premiere på verket "Elja" under årets Ultima.
Jazzfest Trondheim: Festivalens høydepunkt og alltid overraskende
– Det som særpreger Trondheim Jazzorkester, er at du aldri vet hva du får. Og det er jo det jazz handler om, å bli overrasket, skriver Trygve Lundemo etter siste ukes Jazzfest i Trondheim.
Færre søkere til estetiske linjer på videregående: – Det oppleves for usikkert å velge den retningen
Flere fylker og kommuner legger ned estetiske linjer på videregående, og i takt med dette går søkertallene til disse linjene ned. Periskop og Ballade har forsøkt å finne ut av årsaken til hvorfor færre ungdommer søker seg til estetiske fag.
