Manger Musikklag

Manger Musikklag med ny norsk musikk

Manger Musikklag er eit av noregs leiande brassband. No er dei igang med eit nytt stort samtidsmusikkprosjekt, der dei skal spele inn bestillingsverka «Graffiti» av Knut Vaage og «Divergence» av Jostein Stalheim. Plata, som kjem til våren, inneheld også verk av Torstein Aagaard-Nilsen, Ketil Hvoslef, Kaare Dyvik Husby og Marcus Paus. 7. oktober vert det ein forsmak på repertoaret på Manger ungdomsskule.

Kalender

Cikada RBK + EAU

23/10/2020 Kl. 18:30

Oslo

Ivan Mazuze Band

24/10/2020 Kl. 19:00

Viken

Kampenjazz: Skarbø Skulekorps

25/10/2020 Kl. 20:00

Viken

Manger Musikklag er no igang med eit nytt stort prosjekt med ny, norsk samtidsmusikk. MML har heilt sidan 80-talet vore i front når det gjeld å bestilla nye verk og har urframført verk av m.a. Yngve Slettholm, Terje Rypdal, Ruth Bakke og Torstein Aagaard-Nilsen. I fjor deltok MML på Atunnalefestivalen i Bergen med eit program som utelukkande inneheldt norsk samtidsmusikk.

12.-14.oktober skal MML i studio og gjere CD-innspeling med ny norsk musikk med dirigent Bjørn Sagstad. MML har gjort to nye bestillingsverk, «Graffiti» av Knut Vaage og «Divergence» av Jostein Stalheim. I tillegg vil CD-plata innehalde verk av Torstein Aagaard-Nilsen, Ketil Hvoslef, Kaare Dyvik Husby og Marcus Paus. Til våren blir det CD-slepp med stor konsert i Bergen, og med urframføring av «»Graffiti»» og «»Divergence».

MML er inni ein hektisk øvingsperiode, og søndag 7.oktober ynskjer dei alle velkomen til ein forsmak på CD-plata med huskonsert på Manger ungdomsskule kl.16.00.

Bjørn Sagstad kjem frå Meland kommune og har sjølv bakgrunn som kornettist i Manger Musikklag. Han har studert direksjon ved Bergen Musikkonservatorium og Royal Nothern College of Music i Manchester, og har dirigert ei rekkje brassband, millitærkorps og andre ensemble på høgt nivå. Sagstad har vunne ei rekkje nasjonale og internasjonale konkurransar, og har også hatt engasjement i m.a. Bergen Filharmoniske Orkester og Trondheim Symfoniorkester.

Manger Musikklag blei skipa i 1922. Heimesida deira finn du her.

Stillinger

Førsteamanuensis i musikkvitenskap

NTNU – Institutt for musikk

Kulturhusleiar

Sogndal kulturhus

Salgs- og publikumsansvarlig

Arktisk Filharmoni

Fagansvarlig

Norsk jazzforum

Hold deg oppdatert

Meld deg på vårt nyhetsbrev