Vest Norges Opera til skifteretten
INTERVJU: I førre veke vart det kjent at Vest Norges Opera har uteståande fakturaer på oppmot kr 800 000,-. No må selskapet i skifteretten, og den føreståande fusjonen med Den Nye Opera vert umogleg. – Det blir nedleggelse, det er det mest sannsynlige, og da blir det heller ingen fusjon, seier styreleiar i Vest Norges Opera, Oddmund Søilen til Ballade. Konstituert operasjef i Den Nye Opera, Stein Olav Henrichsen understrekar at dette ikkje får konsekvensar for utviklinga av Den Nye Opera.
Av Ida Habbestad
Bergens Tidende melde fredag at Vest Norges Opera endar i skifteretten. Årsaka skal vera eit oppkrav på opp mot 800 000 kroner som styret i operaen ikkje var kjende med.
— Dette er en forvrengt situasjon for oss, seier styreleiar i Vest Norges Opera, Oddmund Søilen til Ballade.
— Vi hadde et regnskap i pluss den 29. januar. Så fikk vi plutselig en to år gammel gjeld som sto ubetalt på bordet. Det gjelder et lagerlokale for kulisser og lignende
Avtaler frå 2004
I tillegg til dei 800 000 er det ytterlegare gjeld, og totalt er beløpet på 1,1 millionar kroner, fortel styreleiaren.
Korleis er det mogleg å ha ei slik gjeld utan å veta om den?
— Det har ikke gått gjennom våre regnskaper. Det er avtaler som ble inngått i 2004, og de var ikke inne i vårt system, svarer Søilen.
Han meiner det er underleg at ikkje eigaren av lokala har kravd husleiga tidlegare.
— De har vel trodd vi skulle greie å betjene det, men det er pussig at eieren av lokalene ikke har kommet til syne. Nå får skifteretten finne ut av det, seier Søilen.
Ledige stillinger
Symbolverdi
Vest Norges Opera var i ferd med å bli fusjonert inn i Den Nye Opera. Med dagens situasjon vert dette ingenting av.
— Man må ha et regnskap i pluss for å gå inn i et slikt selskap. Det hadde vi 29. januar, men vi har ikke det nå. Det blir en nedleggelse, det er det mest sannsynlige, og da blir det heller ingen fusjon.
— Det er svært kjedelig; vi ønsket jo å få dette til. Og det hadde hatt en atskillig bedre symbolverdi med begge de tidligere operaselskapene i Den Nye Opera enn bare det ene. Men arbeidet med Den Nye Opera går som planlagt, svarer Søilen.
Langtrukken forestilling
I ein kommentar skriv kulturredaktør i BT, Jan Landro, at han ikkje har tillit til nokon av partane i «denne langtrukne og miserable forestillingen». Han meiner fusjonen har teke for lang tid, at styret i Den Nye Opera burde vore skifta for lenge sidan, og meiner styreleiarane i Opera Vest og Vest Norges Opera får uheldige dobbelroller når dei òg er styremedlem i Den Nye Opera.
Kva er din kommentar til det, Søilen?
— Det får stå på Landros regning. Vi som sitter i styret nå er gründere for dette prosjektet. Det vil bli endringer i styret i mars.
Kva tid vil me få veta meir om kva som skjer?
— Vi overleverte saken på fredag. Vi har ikke hørt noe mer enda, men det går nok litt tid.
Ingen konsekvensar for Den Nye Opera
Konstituert operasjef i Den Nye Opera, Stein Olav Henrichsen meiner det er synd at samarbeidet ikkje går som planlagt.
— Det er selvfølgelig trist at den fusjonen vi hadde ønsket oss og som vi hadde planlagt ikke lenger er mulig, seier han.
Henrichsen understrekar imidlertid at den sannsynlege nedleggjinga ikkje vil få konsekvensar for Den Nye Opera.
— Det er aldri hyggelig når slike ting dukker opp, og dette kom uventet på oss. Det hadde vært mye bedre om vi kunne gjennomført som planlagt. Men dette får ingen konsekvens for utviklingen av Den Nye Opera, seier han til Ballade.
