Konkurrerer for musikalske opplevingar

Av Ida Habbestad
For ein knapp månad sidan vann Kammerkoret NOVA første pris i klassene for sakral og profan musikk under Grieg Internasjonale Korfestival i Bergen. Denne månaden gjer dei seg klare til å representera Noreg under finalen i Let The Peoples Sing.
Sistnemnte er den europeiske kringkastingsunionens sin konkurranse for amatørkor, som i år er lagt til Oslo i NRK sin regi.
18. oktober møtest ni finalistar (meir om desse hjå NRK.no) til konsert og kåring i Store Studio. Finalen vert direkte overført samtlege land i kringkastingsunionen.
Alt før den tid varmer NOVA opp med konsert i Kanonhallen. 7. oktober syng dei saman med Det Norske Jentekor, som dagen derpå reiser for å delta ved Landskonkurransen for kor i Trondheim.
Anne Karin Sundal-Ask er dirigent for begge kora, og meiner dei mange tevlingane utløyser ein god energi.
— Konkurransene gjev korsongarane lyst til å øva og yta meir. Ein får ut betre musikk heilt enkelt, seier ho til Ballade på spørsmål om den hyppige konkurreringa.
Sundal-Ask bedyrer at målet ikkje først og fremst er å gå heilt til topps, men å laga fin musikk. Og denne er ofte meir oppnåeleg gjennom konkurranseverksemd enn gjennom normal konsertering, hevdar ho.
— Eg har opplevd gong på gong med kora at me har ei felles energi; at der oppstår større musikkopplevingar under konkurransene enn ved konsertar. Der er sjølvsagt gode opplevingar under konsertane òg. Men eg trur nok at konkurranseinstinktet spelar ei rolle.
Ulike ideal
Det norske jentekor er ei sjølvstendig vidareføring av NRK sitt jentekor som i dag består av fire kor med songarar frå 6-20 år. Jentekoret vart oppretta i 1947, medan Kammerkoret NOVA vart oppretta i 2001 og kom til på Sundal-Ask sitt eige initiativ.
Let the Peoples Sing er mellom fleire internasjonale konkurranser koret har delteke i. Kva betyr det for NOVA å delta i nettopp denne konkurransen?
— Det er ein kjempefin konkurranse, og det er veldig kjekt å vera Norge sin representant. Det er fine kor som er med, og eg ser ikkje minst fram til konserten dagen før – då alle kora skal synga i Frogner kirke under Care sin innsamlingsaksjon, seier Sundal-Ask.
Sist konkurransen vart arrangert – i 2007 – var det norske Schola Cantorum, leia av Tone Bianca Dahl, som gjekk av med seieren.
Det er gode tider for norske kor?
— Eg veit ikkje om eg kan kommentera om dei norske kora er betre enn kor frå andre land. Men me har jo eit godt rykte, seier Sundal-Ask.
Ho peikar på at der – uavhengig av kva ein opplever som kvalitativt godt – er nokså store skilnader i måten kora syng på og at der, avhengig av kvar ein kjem frå er ulike musikalske ideal som vert vektlagt. Slik kan det vera enkelt å høyra forskjell på kor frå nordiske land og kor frå lenger sør i Europa, trur dirigenten.
— Det er særleg klangleg sett ein finn skilnader. Nordiske kor nyttar gjerne mindre vibrato, har ein slankare klang, og ikkje den store, meir buldrande fylda me finn sørover. Så er det også lysare vokaler i Norden, seier Sundal-Ask.
Målet hennar, òg for kommande konkurranser, er uansett ikkje berre å vinna.
— Motivasjonen er at det skal bli fin musikk. Eg er sjølvsagt glad om me vinn, men er aller mest glad om me har ei god kjensle og syng optimalt, seier Sundal-Ask.

Ny mentorordning for unge orkestermusikere fra nord

Musikkstudenter fra Nord-Norge kan nå søke opptak til mentorprogrammet Arktisk Mentor Arena. Programmet skal gi unge orkestermusikere erfaring, veiledning og et springbrett til profesjonell karriere.

Mangfold og inkludering

Fuglefjellet som mista stemmen

Et stilnet fuglefjell åpner festival.

Eksperimentell

Den største norske artisten i Spotifys historie

Sammenlagt seier til Kyrre.

BransjenForskningMusikklisterPopulærmusikk

Blodtur til København

I midten av januar dro ein full buss frå Oslo og omland til København med Tuvas Blodklubb. Sjå korleis det gjekk med "den norske invasion” på dansk folkemusikkfestival.

Folkemusikk

Slik ble jeg en diva

KRONIKK: – Jeg må slutte å late som om forståelsen av sangerens rolle i jazzmusikken ikke henger sammen med likestilling og en kjønnsdefinert og forutinntatt forståelse av hva sangere befatter seg med.

Politikk & debatt

Ballade video: Trygghet og kontroll

På utstilling med Himmelleite, Luna Mare, Andie Loui, Maizu & Richard, Kristine Blir Rapper, Kamelen, Rule Of Two og Clawfinger.

Musikkvideo