(Foto: Cici / qq.com)
– Fredsprisen motarbeider det vi forsøker å oppnå
Same dag som Nobels Fredspris vart delt ut, presenterte Martin Romberg verket «The Moon» på Verdensutstillingen i Shanghai. No tyder mykje på at det kan bli lenge til neste gong.
— Kina er mulighetenes land for klassisk musikk, og det er her nyskapende ting vil skje fremover. Vi føler at tildelingen av årets fredspris til Liu Xiaobo langt på vei motarbeider det vi forsøker å oppnå, nemlig forandring gjennom kulturell berikelse, seier komponist Martin Romberg i ei pressemelding.
Har mykje å lære av kvarandre
Ettersom kinesiske myndigheiter har sett ned foten for ei rekkje norsk- kinesiske kulturprosjektet sidan fredsprisutdelinga 8. oktober, frykter Romberg for vidare samarbeid. Prosjektet hans, «The Moon» , har nemleg blitt invitert til den kinesiske Spring Festival neste år. No kan godkjenningsprosessen verte vanskeleg.
— Vi har like mye å lære av Kina som de har av oss, og dette gjelder både kultur og moral, seier Romberg
«The Moon» byggjer på den kinesiske fantasyteikneserien med same namn, og omhandlar to unge krigarjenter si blodige ferd i middelalderen sitt Kina.
Fleire avlysingar
Det vart raskt kjent etter utdelinga at operaforestillinga «Some sunny night», komnponert av norske Thomas Stanghelle, vart avlyst grunna at myndigheitene ikkje ynskja det norske prosjektet. Aftenposten melder at også prosjektet «Cosmic Wind China 2010 – EXPOnential» har vorte nekta å spele etter fredsprisutdelinga.
— Vi driver jo egentlig også en form for fredsskapende arbeid, ved å ha hovedfokus på samarbeidsaspektet i kunsten og musikken, sier mannen bak dette prosjektet, Øyvind Aamodt til Aftenposten.
Spente musikarar
Ein av musikarane i gruppa til Aamodt, Rolf Erik Nystrøm, seier på telefon frå Kina at han er spent på å sjå korleis situasjonen utviklar seg
Ledige stillinger
— Vi skulle ha spelt ein konsert i dag, men fekk beskjed av arrangørane at kinesiske myndigheiter ikkje ynskja norske artistar. Dette er den fyrste norske avlysinga som er grunngjeven slik. Grunna streng sensur er det veldig få kinesarar som i det heile har høyrt om Liu Xiaobo. Vi gjennomførte ein konsert i går, men den var ikkje annonsert gjennom ambassaden. I morgon skal vi etter planen ha to konsertar, der kun den eine er annonsert gjennom ambassaden. Det vert spannande så sjå om dei vert avlyst eller ikkje.
