«Jenta som ingen kunne målbinde» er eit moderne eventyr, skrive av tidlegare teatersjef ved SOF teater, Mette Brantzeg. Ho likar å utfordre.
— Eg er ikkje ute etter å moralisere, men synes det er interessant å leike med tabu. Fotball er svært kjønnsbestemt og samtidig dominerande i verda. Eitt anna tabu er homser og fotball.
I Brantzeg sitt stykke er begge desse tabua ingrediensar i det som også kan kallast ei forviklingskomedie.
— Eg har ikkje spesielt peiling på fotball, men tek utgangspunkt i det som skjer i samfunnet og utfordrar formspråket. Let folkedans og fotball seg sameine? Svaret er ja, det går faktisk an og det blir
mykje moro av det også, seier Brantzeg. Eg har nytta kollegaene på jobb som fotball-konsulentar.
Framsyninga sorterer under sjangeren scenisk folkedans, der folkemusikk, folkedans og teater er sameint i ei forteljing. Sjangeren vart presentert på Førdefestivalen for to år sidan, med publikumsvinnaren «Svik». Men starten på folkedans-musikk-teater satsinga i Sogn og Fjordane var Fjordapuls-prosjektet i 2001-2002, initiert av Rådet for Folkemusikk og folkedans i Trondheim.
Unge talentfulle folkemusikarar og -dansarar frå Sogn og Fjordane vart samla til samspel og dans. Dei turnerte fylket og responsen var god.
Sigurd Aae Clausen, som har regien på JENTA, synte i ein Fjordapuls-koreografi at folkedans og fotball var en mulig kombinasjon. Det inspirerte meg til å skrive stykket, og be Sigurd ta regien. Folkedans kan både brukast tradisjonelt og til å skildre samfunnsmessig og tidsaktuelle tema, seier Brantzeg.
Handlinga og aktørane
Kort fortalt er dette historia om den sporty jenta som ikkje får vere med på gutane sitt lag, men lurer seg inn likevel, med skjult identitet. Jenta – JO-forelskar seg i ein av gutane på laget og lider store kvaler. Guten på laget vert og forelska og skjønar ingenting. I ein gut? JO fører fotballaget til siger og ære, før ho blir avslørt og skaper furore.
Dette er komedie, der spesielt ungdom men og vaksne kan kjenne seg igjen, og der det er høve til å le av det meste, men kanskje mest av fordomane rundt ein folkekjær sport.
Mette Brantzeg har skrive fleire teaterstykker, men det er første gongen ho ikkje set opp sitt eige stykke sjølv. Det er ei ny og spennande oppleving å overlate manus i andres hender.
På scenen er ei blanding skodespelarar, dansar og folkemusikarar.
— Hovudrolle-innehavaren Solveig Hårdnes er det kvinnelege svaret på Tore Andre Flo. Ho er det i dans som han er i fotball. Den unge hallingdansaren gjorde seg bemerka på Førdefestivalen i fjor. Martin
Myhr er profesjonell hallingdansar, den einaste i landet som satsar på å leve av dansen på heiltid. Kyrre Eikås Ottersen er med som skodespelar og dansar. I tillegg er det to talentfulle ungdommar frå Fjordapuls, Åsta Urdal og Atle Hoff. Musikken blir framført av Synnøve S. Bjørset på fele og Kenneth Ekornes på perkusjon. Synnøve har dei to siste åra hatt stor suksess med Majorstuen, og Kenneth er fast trommeslager i Mari Boine Band.
— Det er ein fantastisk sprek gjeng! Viss noko går gale, er det min feil, seier Brantzeg og ler godt. «Jenta som ingen kunne målbinde» har premiere på Førde Internasjonale folkemusikkfestival laurdag 3. juli, i teatersalen i Førdehuset.
Mari Boine hedret
Artist og låtskriver Boine fikk ærespris for langt og betydningsfullt virke. Og avslører at hun skriver på ei bok.
Adama Janlo lar seg ikke stanse av musikalske grenseposter
Fra Sagene til Mississippi-deltaet, via Senegal og Gambia – Adama Janlo er Norges mest oppsiktsvekkende tilskudd til den tradisjonelle bluesen, og hun er ikke redd for å hente inspirasjon utover det forventede.
Ballade på Tidsskriftbonanza: Samtale med Peter Case & Sid Griffin
En sjelden mulighet til å møte to amerikanske legender, når Balladeskribent Arvid Skancke-Knutsen snakker med Peter Case & Sid Griffin på Deichman Grünerløkka torsdag 5. mars.
Å være musikalsk i et etisk perspektiv
Under festivalen "Ding-dong eller dong-ding?" 4. mars vil pianist Ellen Ugelvik og musikkterapeut Gro Trondalen utfordre publikum til å reflektere over hva det egentlig betyr å være musikalsk, også i et etisk perspektiv.
Norske arrangører om «de fire store» og internasjonal konkurranse
Får «de fire store» i livemarkedet for mye makt? NKA-lederen peker på maktskifter som kan skape en ubalanse i resten av feltet.
En ny vår for norsk opera: To × opera off-Bjørvika
Ballades klassisk-anmelder Ola Nordal opplevde nylig operaene «Heroin Chic» og «Nokon kjem til å komme» på Parkteatret i Oslo. I denne dobbeltanmeldelsen prøver han å fange noe av det som skjer i norsk operaproduksjon.
