Her er Telemarkfestivalen si eiga pressemelding om den 14. festvalen, som i år arrangeras frå 7. til 10. august:
«Folkemusikken er vital som aldri før, og Telemarkfestivalen har ord på seg for å vise fram spennet og kontrastane i denne musikkforma. Festivalen har lang tradisjon med bestillingsverk, fleire av desse verka har blitt ståande for ettertid, t.d. Groven Myhren/ Nordstoga med «Nivelkinn», som no er nominert til Spellemannpris med ein CD med konsertopptaket frå Telemarkfestivalen 2001.
I år har me eit heilt spesielt prosjekt, «Sørsamar rundt Hardangervidda». Den allsidige musikaren og komponisten Frode Fjellheim har fått i oppdrag å lage eit moderne verk der det sørsamiske møter det bygdenorske: joiken møter hardingfela og kvedinga. Frode Fjellheim vil ha med seg nokre av musikarane i gruppa Transjoik, samt Knut Hamre – spelemann frå Hardanger, Berit Opheim – songar/kvedar frå Voss, Arne Anderdal – spelemann frå Hemsedal/Hallingdal, Lars Underdal – spelemann frå Vinje i Telemark og Jon Anders Halvorsen – kvedar frå Lunde i Telemark.
Verdsmusikken er på full fart framover og Telemarkfestivalen vil gjennom den internasjonalt svært kjende gruppa Radio Tarifa frå Spania vise at folkemusikk i denne «tappinga» står for nyskaping og tradisjon i ei spanande blanding der utgangspunktet er den spanske flamencoen.
Unge norske folkemusikarar, både i solo og samspel, utgjer ein større del av folkemusikk-rørsla enn tidlegare, og som tidlegare år vil du møte mange av desse på Telemarkfestivalen, det er nok å nemne gruppa Majorstuen som i desse dagar haustar stor merksemd for sin fyrste CD.
Av spesielle prosjekt må me trekkje fram «Årolilja» med Øyonn Groven Myhren, Bugge Wesseltoft og Nora Taksdal. Materialet hentar dei frå den folkelege visetradisjonen med sine mellomlalder- og renessanseballadar, skillingsviser, stev og skjemteviser, – og frå lyrikken frå vår eiga tid. Visene vert vidareutvikla gjennom møte mellom musikarar med fotfeste i kvar sin sjanger. Her møtes tre musikkformer; folkemusikk, jazz og klassisk.
Det vert nattkonsert i Bø kyrkje m/ Dvergmål som tel Øyonn Groven Myhren, Jon Anders Halvorsen, Marit Mattisgard og Turid Spildo Nerdrum.
Telemarkfestivalen er ein viktig arena for den tradisjonelle folkemusikken; på Gullbring-konserten «Gode Grannar» skal utøvarar frå Buskerud vise seg fram innan spel, kveding og dans.
«Borgjakonserten» vert i år med Åse Teigland, ho er fyrste kvinne i rekkja av spelemenn i denne tradisjonsrike konserten. Det vert elles både spelemannsmøte med Torgeir Straand og Bård Vegar Bjørhusdal og kvedarmøte med Marit Mattisgard og Anne Gravir Klykken.
På klubbkonsertane byr me på følgjande grupper: Frigg (Finland/ Norge), The Tramps (norsk/irsk folk-rock), Bengalo (sigøyner/ Balkan), Kvarts m/ Jo-Asgeir Lie, Øystein Rudi, Tom Willy Rustad og Erlend Styve, samt gjestene Birger Mistereggen og Berit Opheim. Det vert òg eigen munnharpekonsert med Svein Westad og vietnamesaren Tran Quang Hai m.fl.
Nemnast bør barneframsyninga med Teater Fabel som kjem med «Haugfolk» – Huldras forteljing om Margit Hjukse. Medverkande her er: Inger Merethe Johnsen og Leif Winter. Det blir òg barnekonsert med Vamos A Cuba Carlos eldes, Luisón Medina og Inge Sunde. Her blir det både musikk, dans og song frå Cuba.»
— Enno er ikkje alle utøvarane nemnde, så fylg med, skriv Telemarkfestivalen til sist. Meir informasjon finn du på heimesida www.telemarkfestivalen.no.
Den største norske artisten i Spotifys historie
Sammenlagt seier til Kyrre.
Blodtur til København
I midten av januar dro ein full buss frå Oslo og omland til København med Tuvas Blodklubb. Sjå korleis det gjekk med "den norske invasion” på dansk folkemusikkfestival.
Slik ble jeg en diva
KRONIKK: – Jeg må slutte å late som om forståelsen av sangerens rolle i jazzmusikken ikke henger sammen med likestilling og en kjønnsdefinert og forutinntatt forståelse av hva sangere befatter seg med.
Ballade video: Trygghet og kontroll
På utstilling med Himmelleite, Luna Mare, Andie Loui, Maizu & Richard, Kristine Blir Rapper, Kamelen, Rule Of Two og Clawfinger.
Mari Boine hedret
Artist og låtskriver Boine fikk ærespris for langt og betydningsfullt virke. Og avslører at hun skriver på ei bok.
Adama Janlo lar seg ikke stanse av musikalske grenseposter
Fra Sagene til Mississippi-deltaet, via Senegal og Gambia – Adama Janlo er Norges mest oppsiktsvekkende tilskudd til den tradisjonelle bluesen, og hun er ikke redd for å hente inspirasjon utover det forventede.
