– Ny vaktlov kan få store konsekvensar
Kulturdepartementet lovar å lytta til klubb-Noreg si frykt for at ei ny lov om vakthald kan undergrava økonomien deira.
Av Ida Habbestad
I juni i år vart ei endring i lova om vaktverksemd godkjent i statsråd. Endringa medfører mellom anna at ein klubb sitt eigenvakthald skal sidestillast med ervervsmessig vaktverksemd. Dette betyr at det i framtida vil bli stilt langt strengare krav til kven som kan driva vaktarbeid og kva utdanning vaktene skal ha.
Norsk Rockforbund er sterkt bekymra for konsekvensane den nye lova kan få. Dersom konsertarrangørar, som gjerne har nytta eigne medarbeidarar eller frivillige som vaktar, må hyra inn arbeidskraft frå eksterne selskap, kan det få alvorlege følgjer for drifta deira. Først og fremst med tanke på økonomiske aspekt, men òg sosiale.
«Mange steder vil nok også se på det som negativt å ikke ha sine egne ansatte da innleide vakter kan/vil variere fra gang til gang og ikke har samme forståelse for stedets profil osv.» skriv Rockforbundet.
Statssekretær Lubna Fjell i Kulturdepartementet meddeler at departementet har forståing for Rockforbundet si bekymring.
— Men det er viktig å si at arbeidet med forskriften er i startfasen, seier ho til Ballade.
— Justisdepartementet arbeider med retningslinjene, og det er ikke endelig bestemt hvem som blir berørt av endringen og ikke. Vi forstår at Rockforbundet er bekymret, og vi kommer til å engasjere oss i saken, lovar statssekretæren.
På kva måte vil Kulturdepartementet engasjera seg i denne saka?
— Vi kommer til å lytte til aktørene i kulturlivet, blant annet Norsk Rockforbund, og vi vil ta deres innstilling og holdning til dette på alvor, seier Fjell.
Men når eit departement vedtek lovar som kan få konsekvensar på eit område der dei har ansvar og interesser – er det ikkje då naturleg at ein i endå større grad får vera involverte?
Ledige stillinger
— Vi kommer som sagt til å engasjere oss i saken, fordi det handler om viktige aktøre innenfor vår felt. Slik gjør man også innen andre departementer når ting blir sendt ut på høring. Vi skal lytte til bransjen, og se på forslaget til forskrift som de kommer, og tar det derfra, svarer Fjell.
Lova for vakverksemd er forventa å tre i kraft frå 2011.
Justisdepartementet sin proposisjon finn du her.
