Anne Hytta Foto: Ingvil Skeie Ljones

Årets Folkemusikar er Anne Hytta

Hardingfelespelaren fekk Folkelarmprisen under Meisterkonserten i Operaen søndag kveld .

Kalender

Høstscena, Ålesund Teaterfestival

29/09/2021 Kl. 12.00

Møre og Romsdal

Operapub på Røverstaden

29/09/2021 Kl. 19:00

Oslo

Sonia Loinsworth i Tomba Emmanuelle

29/09/2021 Kl. 18.00

Oslo

Under Meisterkonserten i Operaen søndag kveld vart hardingfelespelaren Anne Hytta heidra med den gjevaste prisen under Folkelarm.

Juryen meinar:
«Årets folkemusikar 2018 har djupare tradisjonsforståing enn dei fleste, og er samtidig grenselaus med tanke på kva for samanhengar ho tek med seg instrumentet sitt inn i.

Ho komponerer ny musikk i mange sjangrar, og ho leiter fram gammal og stundom gløymd musikk som ho synest publikum i dag fortener å høyre. Ho syner oss historia gjennom å utforske hardingfelehistoria og eldre slektningar av instrumentet, og ho syner oss framtida gjennom å ta i bruk det rike klangregisteret til hardingfela på nye måtar.

Sidan solodebuten i 2006 har ho medverka på tjue plater. I 2018 har ho gitt ut fire plater med like mange grupper – Slagr, Tokso, Sogesong og Aurora Borealis – med musikk som spenner frå tysk mellomaldermusikk og norske balladar til kammermusikk og fri improvisasjon. I tillegg har ho bidratt til sceniske verk i Noreg og Danmark.

Den førre plata hennar med tradisjonelt solospel, Strimur, vann i 2017 Folkelarmpris for solospel og Spellemannspris i klassa folkemusikk/tradisjonsmusikk. For tida skriv ho på eit verk som blir urframført av Telemark kammerorkester og Slagr våren 2019. Som skribent har ho gjort seg merkt som spaltist i Klassekampen og Morgenbladet. I eit sikkert språk presenterer og forklarar ho folkemusikk, musikkfaglege problemstillingar og annan fagkunnskap til eit allment publikum. Som redaktør for Kvinten og Årbok for norsk folkemusikk har ho vore ei sentral kraft og viktig stemme i organisasjonslivet innan norsk folkemusikk

Om Folkelarmprisen
Folkelarm er eit bransjetreff for tradisjonsmusikk, arrangert for fyrste gong i 2005. Folkelarmprisen har heilt sidan byrjinga vore ein del av Folkelarm. Her blir dei besta platene løfta fram frå året som har gått, og ei vinnar blir kåra i kategoriane solospel, tradisjonelt samspel, dokumentasjon og open klasse. I tillegg kåres årets folkemusikar, som er ein prestisjefylt pris.

For å kommentere her må du ha en Facebook-konto. Dersom du har en mening du ikke får postet her kan du sende oss en e-post.

Stillinger

Organist/ kantor/ menighetsmusiker

Kirkelig fellesråd i Bærum

Kirkemusiker

Tromsø kirkelige fellesråd

Markedsansvarlig

Kirkelig Kulturverksted AS

Prosjektleder

Norsk ressurssenter for klassisk musikk

Hold deg oppdatert

Meld deg på vårt nyhetsbrev