Overlappande kulturdag
For få arrangement i Oslo inneheld varierte kulturelle uttrykk, meiner utøvarane Wendy Greenberg og Heloisa Amaral. For å retta på det har dei starta organisasjonen Kulturensvenner, som presenterer sitt første arrangement 9.august.
Av Ida Habbestad
På programmet står konsertar innan ulike sjangrar – frå klassisk musikk til samtidsmusikk og jazz. I tillegg vert det musikkverkstad for barn, utstilling av bilete, eit foredrag om kunst samt kurs om mat. Òg tryllekunstar og sirkusaktivitetar står på plakaten.
— Vi har lenge snakket sammen om å lage en annerledes type arrangement i Oslo. Som regel går man enten på museum eller på konsert; man velger seg sine ting som man er interessert i. Men de forskjellige kunstuttrykkene har mye felles, forklarer Wendy Greenberg om motivasjonen bak prosjektet.
Saman med Heloisa Amaral stifta ho den frivillige organisasjonen Kulturensvenner i januar.
Greenberg, som er slagverkar, og Amaral, som er pianist, har truleg størst kontaktflate mellom musikarar, men meiner altså at samanblandinga av uttrykk har mykje å tilføra arrangementstilbodet i byen.
— Selv er vi jo interesserte i annen kultur enn bare musikk, og tenkte at det kanskje var flere enn oss som savner arrangement hvor kunstartene blandes, seier Greenberg.
Ærverdige lokale
Målgruppa er difor open – ein ynskjer å nå eit så breidt spekter av menneske som mogleg. Ikkje minst ynskjer dei, under sitt første arrangement, å syna fram Schafteløkken. Schafteløkken er byens største gjenverande løkkebygning, bygd som tallkasserar Andreas Schaft sitt sommarhus.
— For de fleste er dette et ukjent sted, særlig for unge folk, seier Greenberg. – Men det er en veldig fin bygning hvor det er mulig å arrangere flere ting parallelt.
Prosjektet er gjort mogleg med stønad frå MFO og Kulturetaten i Oslo. Det praktiske arbeid skjer på idealistisk basis. For å finansiera arrangementet har Greenberg og Amaral dessutan tydd til kreative verkemiddel, som eit boksal. På nettsida Underskog la dei ut annonse om arrangementet og ba folk donera bøker. Desse vart så selde på Vestkanttorget – samstundes som dei to arrangørane reklamerte for prosjektet.
Ledige stillinger
— Det er god reklame i å prate direkte med folk, seier Greenberg som reknar med at Kulturensvenner vil arrangera rundt eitt arrangement per år.
Vil nå breidt
Neste år ynskjer ein å få meir populærkultur samt teater inn i biletet.
— Jeg mener man glemmer at det er mange element som er overlappende, mellom kunst og musikk i ulike sjangre. Målet er at arranementet skal nå både dem som ville gått på et matkurs og dem som ville gått på en konsert, og at de kan oppdage at tingene passer sammen; at vi kan skape noe nye målgrupper, seier Greenberg..
.
Programmet for dagen er som følgjer: Fra kl. 14 Musikkverksted for barn med Drivhuset. Slagverkkonsert: Håkon Stene. Matkurs: Birkelundens lille Franske Ostebutikk. Liedkonsert: Silje Johnsen & Torbjørn Eftestøl. Kunstprat: Paola Burigana, fra Louvre Kl. 20 Jazzkveld: Marius Graff, Håvard Graff & Audun Ellingsen spiller Nat King Cole.
Arrangementet er gratis.Sted: Schafteløkken, Zahlkasserer Schaftsplass 1, 0267 Oslo, v/ Frogner plass
