Stemmeklang i mausoleet
Stemmeklang framfører spesialkomponerte verk for Emanuel Vigelands mausoleum. Med denne konserten, som raskt har blitt tradisjon, får du høyra vokale verk i eit heilt spesielt rom.
Utøvarar: Kristin Bolstad, Linnéa Sundfær Casserly, Julie Kleive, Karoline Gullberg og Gabrielle Sørensen.
Stemmeklang er ein vokalkvintett som arbeider med rom, klang og akustikk, med musikk som er i grenselandet mellom samtidsmusikk, improvisasjon og klangleg utforsking. Det musikalske rører seg mellom stemmer, klangar, lydlege teksturar og rommet sin eigen resonans, der arkitektur, historie og akustikk blir ein aktiv del av opplevinga.
Stemmeklang har Emanuel Vigelands museum i Oslo som sin faste base, men har også utforska andre særeigne rom – til dømes Neptun Sildeoljefabrikk i Melbu, Kruttårnet på Munkholmen i Trondheim, bunkersen Kommandosentralen i Ålesund, høgdebassenget i Volda, og eit av Europas største minnesmerke – Völkerschlachtdenkmal i Leipzig.
Stemmeklang var festivalensemble på samtidsmusikkfestivalen tonehimmel i 2024 og på Interpuls festival i 2025, og har samarbeid med ensemble som Parallax og NyNorsk Messingkvintett og komponistar som Therese Birkelund Ulvo, Tyler Futrell og Idin Samimi Mofakham.
Foto: Signe Fuglesteg Luksengard
