Demokonkurranse med storpremie
4SOUND og Demotape AS køyrer no ein låtkonkurranse for å få fram Noreg sine up-and-coming artistar. Vinnaren stikk av med musikkutstyr for heile 100.000 kroner.
4SOUND er Skandinavias og Noregs største musikkjede og leverandør av musikkutstyr. Demotape er ei webbasert løysing kor musikarar kan leggje ut musikken sin gratis.
— Hensikten med konkurransen er at Norges befolkning skal stemme frem den undergrunnslåten de synest er best. De artister eller band bak de fem låtene med flest stemmer 24. desember, vil få spille på en stor musikkfest på Smuget i Oslo 22. januar 2011. Fra julaften og frem til denne festen vil det angis stemmer på disse 5 finalistene, men hvor mange stemmer de har fått blir ikkje offentliggjort før på selve festen, hvor vinneren kåres, skriv arrangørane i ei pressemelding.
Arrangørane ynskjer med dette å fremje det mindre profilerte musikkmiljøet i Noreg. Vinnaren vil stikke av med musikkutstyr til 100.000 kr frå kjende leverandørar som Fender, Pearl, Zoom, AKG, EBS, JBL, Steinberg, Focusrite, Soundcraft, Morgan og Neumann.
