Anna Gursli Langesæter

Temaet for årets utgåve av Hardanger Musikkfest var samhald. Legg du til «dialog», så er du tett på korleis det heile spelte seg ut, med Det Norske Kammerorkester i botn som husorkester og ei rein perlerad av store talent frå den oppveksande generasjonen.

Hardanger Musikkfest ber namnet sitt med rette. Sjølv om eg ikkje fekk med meg meir enn helvta av årets festival, kan eg trygt slå fast at dette var fire dagar med musikalske opplevingar av høg kvalitet, stor breidde – og mykje humor.