Frist
08/03/2023
Søknad leveres
Søknadsskjema
Område
Innlandet
Stillingstype
Nettside
Om virksomheten
«Vestlandsfjell og Austlandsklima» er den slåande kombinasjonen som gjer Vangsnaturen unik. Når vangsgjeldingen i tillegg er kjent for eit godt lynne er resultatet ei fjellbygd av sjeldant godt merkje lengst vest i Valdres. I Vang finn du mykje av Jotunheimen, delar av Skarveheimen, fiskevatn, stølar, skiterreng, jaktterreng og all den plassen du kan ynskje deg av eit villmarksområde. Du finn også jordbruk, turisme og gründerar i eit levande og inkluderande bygdesamfunn. Vang er sentralt på ein litt usentral måte, det er 250 kilometer til både Oslo og Bergen og noko lenger til Trondheim. Altså er du midt i smørauget sør i Noreg i ein kommune som har framtidstru og satsar på gode kommunale tenestar på alle område: Nemnast kan nyrenovert skule med fleirbrukshall og eit rikt kulturliv.
Vang kommune er opptatt av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.
Rektor
Vang Kulturskule
Vi søker ein kreativ og engasjert rektor for Vang kulturskule i 50% fast stilling.
Vang Kulturskule har for tida undervisningstilbod innan musikk, dans, teater og visuelle kunstfag, og har for tida 13 alærarar fordelt på 2 årsverk og 41 elevar fordelt på 53 elevplassar. Kulturskulen held til i innhaldsrike og flotte lokale på Vang barne – og ungdomsskule (VBU), og samarbeider med ulike samfunnsaktørar om ulike prosjekt og aktivitetar for innbyggarane i kommunen og regionen.
Rektor har det pedagogiske, kulturfaglege og administrative ansvaret for kulturskulen. Du skal vidareutvikle ein framtidsretta, attraktiv og aktiv kulturskule i samarbeid med barn, unge, føresette, tilsette og lokalsamfunn.
Arbeidsoppgåver
- Kulturfagleg, pedagogisk og administrativ dagleg leiing av kulturskulen, herunder økonomi- og personalansvar
- Utvikling av kulturskulen og andre kulturarenaer og -møteplassar i kommunen
- Samarbeide med andre aktørar innan kultur, skule og frivilligheit
- Noko undervisning kan inngå i stillinga
Kvalifikasjonar
- høgare kunst, kultur eller musikkfagleg utdanning
- ønskeleg med pedagogisk utdanning
- ønskeleg med utdanning eller erfaring i leiing av lærings- og utviklingsarbeid
- fordel med erfaring frå kulturskule eller anna relevant verksemd
- god kjennskap til og forståing for arbeid på kulturområdet generelt
- har digital kompetanse
Personlege eigenskapar
- er kreativ og har gode samarbeids- og kommunikasjonsferdigheiter
- er bevisst relasjonsbyggar og liker å arbeide med barn, ungdom og vaksne i ulike aldre
- er løysingsorientert, handlekraftig og kan jobbe sjølvstendig
Vi tilbyr
- eit godt arbeidsmiljø og engasjerte kollegaer
- gode kulturarena og -lokale
- varierte og spennande arbeidsoppgåver
- lønn etter avtale og gode pensjonsordningar
Stillingsprosent: 50%
Politiattest må leggast fram før tilsetting.
Kontaktinformasjon
Marta Bjørnøy Lalim, Kommunalsjef Utdanning og kultur, 97756665, Marta.Bjornoy.Lalim@vang.kommune.no
Vi gjer merksam på at søkarar kan få sitt namn gjort offentleg i søkarlista, sjølv om det er bedt om konfidensiell behandling. Du som søkar vil i tilfelle bli varsla på førehand om det.
Flere saker
