Engasjement som festivalprodusent

Vil du vere med og arrangere Festspela i Ørsta, Volda og på nett 10.-13. juni 2021? Vi har ledig prosjektstilling med fleksibel arbeidsstad. 

Arbeidsoppgåvene er blant anna 

• kontakt og avtalar med utøvarar (inkl. reise og overnatting) 
• utarbeiding av produksjonsplan 

• koordinering av medarbeidarar og frivillige 
• bidrag og innspel til marknadsføring og program 

Vi ser etter deg som er strukturert og vil arbeide for at gjestene ved Festspela får gode kulturopplevingar av høg kvalitet, og at dei gjerne vil kome att. Det er ein fordel å vere strukturert, vere van med digitale reiskapar og ha forståing av arbeid med budsjett, planar og retningslinjer. Interesse for litteratur og språk er ein fordel i arbeidet.  

Aktuell utdanning og erfaring kan vere frå kulturfaglege eller administrative studiar.  

Kompetansekrav: 

• høgare utdanning   
• erfaring frå festivalar og arrangement 

Den som blir tilsett, må rekne med nokre reiser og noko helge- og kveldsarbeid. Alle nye medarbeidarar får grundig opplæring. Hos oss nyttar alle nynorsk i skriftleg kommunikasjon. Nynorsk kultursentrum er medlem i arbeidsgivarorganisasjonen Virke og tilbyd ein idémyldrande bedriftskultur, engasjerte kollegaer, medlemskap i Statens pensjonskasse, avtalefesta pensjon, gruppelivsforsikring og løn etter avtale.  

Stillinga er ledig frå 1. mars 2021 til og med 30. juni 2021. Oppstartstidspunkt kan vere fleksibelt. Kontorstad er i utgangspunktet ved Aasentunet i Ørsta, men Nynorsk kultursentrum er også open for fleksibel arbeidsstad. Ein må rekne med å vere i Ørsta mellom 7. og 13. juni som eit minimum. Den som får stillinga, kan få tilbod om forlenging av engasjementet eller fast stilling i Nynorsk kultursentrum. 

Grip sjansen! Send søknad med CV og relevante attestar som eitt samla PDF-dokument seinast 14. februar 2021 til post@nynorsk.no. Hugs å ta med fullt namn, fødselsår, bustad og noverande stilling eller yrkestittel i søknaden. Aktuelle kandidatar blir kalla inn til intervju. 

Har du spørsmål om stillinga? Kontakt Olav Øyehaug Opsvik, arenaleiar ved Aasentunet: tlf. 97 13 01 53 / e-post olav.opsvik@nynorsk.no

Søkjarlister i Nynorsk kultursentrum er offentlege. Dersom du ønskjer at søknaden din blir unnateken offentlegheit, kan du søkje om dette. Legg ved grunngivinga i e-posten som følgjer med søknaden på stillinga.