Dagsseminaret i Trondheim den 18. september tek opp temaet evaluering av pedagogikk innafor folkedansefeltet: Kva slags pedagogiske prinsipp kan brukast, og kva resultat gjer ulike typar pedagogikk i høve til ein tradisjon som har vore kroppsleg/ikkje verbalisert.
Seminaret er ei praktisk vidareføring av Rundebordskonferansen som Norsk Folkemusikk- og Danselag (NFD), Rådet for folkemusikk og folkedans (Rff)og Ole Bull-akademiet hadde på Voss 23. mars, der ein fikk eit rungande ja til eit utøvande studium i tradisjonsdans.
Noreg har nyleg ratifisert UNESCOs konvensjon om den immaterielle kulturarven. Som eit ledd i satsinga på å ta vare på Noregs immaterielle kulturarv vert tiltak for å verne folkedansen ei viktig politisk satsing. ”Bygda dansar” er allereie ei slik. Håpet er no å også få til ei fulltids utøvarutdanning i folkedans, på lik linje med utøvarutdanningane innafor folkemusikken. Det føreligg allereie planar for ei slik utdanning laga i samarbeid mellom Dansevitskap/Rff-sentret og Ole Bull-akademiet, men ved ei realisering vil det bli nødvendig med ei nærare konkretisering av pedagogiske prinsipp og innhald. Kva pedagogiske prinsipp bør liggja under for planlagt utøvarutdanning i folkedans?
Seminaret ønskjer å sjå på og invitere til diskusjon omkring pedagogiske prinsipp for opplæring i norsk folkedans allereie utvikla og under utvikling av pedagogisk personale som jobbar med folkedans i det høgre utdanningssystemet i Noreg. Innleiargruppa er personar knytte til Rff-sentret og deira pedagogiske verksemd. Desse er Dansevitskap ved NTNU og samarbeidspartnar Folkekulturforbundet og Norsk folkelig dans, Ole Bull-akademiet og Bygda dansar.
Gediminas Karoblis, dr. phil og danselærar frå Litauen vil danna eit teoretisk grunnlag for diskusjonen omkring kroppsleg refleksjon.
I tillegg vil Birgitte Rørvik Bruun frå danselinja på Manger folkehøgskule ha eit innlegg. Ein skriftleg rapport i etterkant av seminaret vil danna utgangspunkt for vidare arbeid med temaet både innafor ramma av immatrikuell kulturarv og utøvarutdanning.
Seminarleiar: Egil Bakka
Innleiarar: Ami Peterson Dregelid, Siri Mæland, Kari Margrete Okstad, Vegar Vårdal, Birgitte Rørvik Bruun og Sigurd Johan Heide.
Målgruppe: Dansepedagogar/danseinstruktørar som vil føra debatt om pedagogikk eller påverka læreprinsippa i utøvarutdanninga.
Tid: Tysdag 18. september kl 10-16 ved Rff-sentret, Trondheim
Påmeldingsfrist: Måndag 8. september.
Pris: 200 kr for inkl. lunsj. (100 kr for stud/0 kr for stud. som ikkje skal ha mat.)
Arrangør: Rff-sentret i samarbeid med Folkekulturforbundet, Ole Bull-Akademiet, Bygda dansar og Program for dansevitskap, NTNU.
Det er Rff som melder dette.
Ballade klassisk: Jeg har delte meninger
Denne gangen er det delte meninger i enmannsredaksjonen Ballade klassisk.
Ny mentorordning for unge orkestermusikere fra nord
Musikkstudenter fra Nord-Norge kan nå søke opptak til mentorprogrammet Arktisk Mentor Arena. Programmet skal gi unge orkestermusikere erfaring, veiledning og et springbrett til profesjonell karriere.
Den største norske artisten i Spotifys historie
Sammenlagt seier til Kyrre.
Blodtur til København
I midten av januar dro ein full buss frå Oslo og omland til København med Tuvas Blodklubb. Sjå korleis det gjekk med "den norske invasion” på dansk folkemusikkfestival.
Slik ble jeg en diva
KRONIKK: – Jeg må slutte å late som om forståelsen av sangerens rolle i jazzmusikken ikke henger sammen med likestilling og en kjønnsdefinert og forutinntatt forståelse av hva sangere befatter seg med.
