Av Erlend Apneseth, musikar
Då koronakrisa slo inn over landet i mars blei det vedtatt å betale ut fullt honorar til utøvarane i Den kulturelle skulesekken (DKS) som fekk avlyst oppdraga sine i mars og april. Det var rimeleg å anta at dette var ei linje dei ville legge seg på ut skuleåret, slik at forholda vart like for alle engasjerte utøvarar i 2019/2020.
Difor kom det som ein overraskelse då meldinga kom om at Kulturdepartementet etter forhandlingar med Kulturtanken og Creo no har bestemt seg for å gå vekk frå denne linja, og ikkje betale ut honorar i det heile til utøvarar som får avlyst oppdraga sine i mai/juni.
Dette er problematisk på fleire måtar, der den mest åpenbare er forskjellsbehandling av utøvarar: nokre får altså betalt ut fullt honorar, mens dei som tilfeldigvis har lagt turnéane sine i mai eller juni står på bar bakke.
Denne inkonsekvensen blir ikkje kommentert i brevet frå Kulturtanken til utøvarane om avlysing i mai/juni. Grunngjevinga er force majeure på grunn av koronakrisa, fundert i følgande formulering:
«Departementet har nå fattet en beslutning om at videre anvendelse av tilskuddsmidler for ikke gjennomførte oppdrag etter april ikke er i tråd med retningslinjene.»
Kvifor er ikkje vidare bruk av tilskotsmidla i tråd med retningslinjene?
Det har vist seg å ta lang tid før kompensasjonsordninga frå NAV kjem på plass, og mange kunstnarar står som kjent heilt utan inntekt dei neste månadane. Slike inntekter som honorar frå DKS kunne difor hjelpt mange på kort sikt. Fylka og kommunane som organiserer DKS ute i landet er arrangørar som ikkje er avhengige av billettinntekter, og som har moglegheit til å ta vare på utøvarar i ein slik situasjon på ein annan måte enn «vanlege» konsertarrangørar.
Eg etterlyser difor tydelegare informasjon frå Kulturdepartementet om samtalane med Kulturtanken og kva som blir gjeldande frå 1. mai og utover, kvifor det «ikkje er i tråd i med midlenes formål» i denne tida å betale ut honorar til alle utøvarane under kontrakt i 2019/2020 – samt kva de tenker om utøvarane framover om dette skulle fortsette i lang tid.
Notodden Blues Festival i økonomisk krise
Til tross for et av tidenes beste besøk går festivalen mot et underskudd på opptil fire millioner kroner. Nå jobber styret på spreng for å løse de økonomiske utfordringene.
Kim Stian Gjerdingen Bakke skal jobbe for korene
Bakke blir ny generalsekretær i Norges Korforbund.
Eurovisjon med Israel tross protester
Det ble ingen avstemning om Israels deltakelse i ESC-konkurransen.
Ida Maria: Polsk orgelkassett banet vei for punkrocken
Da Ida Maria var åtte år gammel kom foreldrene hennes hjem fra Polen med orgelmusikk i bagasjen. Det ble en skjellsettende opplevelse som for alvor inspirerte henne til å vie livet til musikken.
Ballade video: Bandet med svovelstikkene
Det nærmer seg jul med Utan Dom., Mari Boine, Hedda Aronssen, King Hüsky, Bastian, Torgny Amdam, Gothminister, Frode Barth, Flexi Aukan og Brynjar Hoff.
Minneord: Kjell Wernøe 1938-2025
Det kjennes godt at Kjell Wernøe fikk glede seg over dokumentarfilmen om sin far før han døde, og det kjennes godt å se alle de vakre hilsnene som har kommet på sosiale media i den siste uken.
