Hovefestivalen er konkurs

HOVEFESTIVALEN: I formiddag avgjorde Aust-Agder tingrett at Hovefestivalen er slått konkurs. Det var Skatt Sør som i desember begjærte dette, med eit ubetalt krav på 1,3 millioner kroner i meirverdiavgift som grunngivnad. Festivalstyret har imidlertid ikkje gitt opp tanken om ein framtidig Hovefestival. – Vi har gjort alt som sto i vår makt i denne vanskelige situasjonen. Dessverre strakk ikke tiden til. Nå er det opp til Festival Republic eller andre å avgjøre om historien om Hove skal fortsette, seier festivalsjef Morten Sandberg i ei pressemelding.

23.12.2008 | Av: Ida Habbestad

Av Ida Habbestad

Den første Hove-festivalen gjekk av stabelen i 2007 – ifølgje mediene framsto den som ein suksess både publikumsmessig og musikalsk sett. Men trass dei til saman 72 000 besøkande hadde den første festivalen etter endt arrangement eit underskot på 6 millionar kroner.

I mai gjekk Arendal kommune inn med eit lån på 3 millionar kroner for å dekkja underskotet, og årets festival kunne gå av stabelen som planlagt.

Men også 2008-festivalen gjekk med underskot, nok ein gong kring 6 millionar kroner.

Arendal kommune hjelpte også denne gongen til, og sletta fire millionar kroner i gjeld. Føresetnaden for dette var at samtlege kreditorar gjekk med på akkord på 35%. Etter at Oslo Live meldte at dei ville betala kravet frå Quart-festivalen, annonserte festivalleiinga at neste års festival ville gå etter planen..

Momskravet på 1,3 millionar kroner sto imidlertid ubetalt, og 8. desember i år vart festivalen begjært konkurs av Skatt Sør.

I tillegg til dette kravet har festivalen òg hatt annan uteståande gjeld. Ifølgje Fedrelandsvennen skulda Hove leverandørgjeld etter akkord på 4-5 millionar kroner samt artistskatt på 2,1 millioner kroner; faktorar som alle var av betydning for avgjersla i Aust-Agder tingrett i dag.

Bookingsjef Toffen Gunnufsen kunne ikkje overtyda dommaren om at økonomisk grunnlag for vidare drift var til stades. Ifølgje Agderposten godtok han derfor konkursbegjæringa i dag.


Vegen vidare?

Festivalstyret har imidlertid ikkje gitt opp tanken på at festivalen kan førast vidare, og i ei pressemelding seier festivalen at dei ei tid har vore i samtaler med Festival Republic om ei vidareføring.

– Dessverre ble prosessen mer tidkrevende og komplisert enn noen av oss hadde forutsett. Vi ble ikke ferdig i tide til dagens møte i skifteretten. Dette er beklagelig, ikke minst med tanke på alle leverandører, ansatte, politikere og andre støttespillere som har bidratt på veien mot å få dette på plass, seier Sandberg i ei pressemelding.

– Vi har gjort alt som stod i vår makt i denne vanskelige situasjonen. Dessverre strakk ikke tiden til. Nå er det opp til Festival Republic eller andre å avgjøre om historien om Hove skal fortsette. Vi føler et ansvar både for publikum og for leverandørene. Det viktigste nå er at festivalen lever videre i en eller annen form. Dersom Festival Republic skulle ønske å ta opp tråden etter oss, er det ingenting som ville glede oss mer.

Kommentarer:

Vil fjerne IFPI og FONO fra forhandlingsbordet

Artistene ønsker GRAMO som felles forhandlingspartner med NRK. Det vil ikke plateselskapene gå med på.

Ingen utbetaling

GramArt og MFO forventer at uteblitt vederlag fra 2009 og 2010 snarest utbetales av IFPI-selskapene.

Ofrer halvparten

Små norske forlag må gi fra seg halvparten av rettighetene for å kunne lansere artister utenlands. Dette hemmer inntektsflyten tilbake til Norge.