Første arbeidsdag i Bjørvika

OPERAEN: I dag tidleg kunne operasjef Bjørn Simensen saman med direktør Bernt Bauge, ballettsjef Espen Giljane og styreleiar Ellen Horn ynskja sine tilsette velkommen til første arbeidsdag i Bjørvika. - Arbeidet med å skaffe et nytt hus for opera og ballett startet for over 100 år siden. Vi som står her er priviligerte som får være med på dette, sa han i talen sin idag. Gul marmor var ikkje eit tema, snarare vart det understreka at Statsbygg har blitt ferdige med arbeidet innan forventa tid og under budsjettert kostnad.

07.01.2008 | Av: Ida Habbestad

Av Ida Habbestad

- Jeg ante ikke at det var så mange som jobbet her! smilte ein av dei nærverande då operaens tilsette samla seg i kantina i operaen i Bjørvika i dag.

Den Norske Opera og Ballett har ikkje hatt noko monaleg samlingspunkt før no – og den nye kantina var dermed ein av mange ting å gleda seg over då operasjef Bjørn Simensen kunne ynskja velkommen til den første arbeidsdagen i nytt bygg. Og det var ein godt nøgd operasjef som kunne konstatera at målet er nådd etter lang tids venting.

- Arbeidet med å skaffe et nytt hus for opera og ballett startet for over 100 år siden. Vi som står her er privilegerte som får være med på dette, sa han i talen sin.

Mellom landa i Europa, har Noreg stått saman med Lichtenstein og Island om å vera utan eige operahus, og Simensen uttrykte glede over å kunne melda seg ut av dette eksklusive laget.

Samstundes understreka han at det vil ta tid før alt går på skinner. Mellom anna vil Statsbygg i det komande gjennomføra brukartilpassingar, det vil vera etterarbeid på sceneområda – og sjølv etter fleire runder med grundig vask er det stadig byggjestøv i lokala.

- Vi vil nok gjøre flere blemmer før vi er skikkelig i gang. Huset er ferdig, men det er ikke innkjørt, sa operasjefen, som roste Statsbygg for deira innsats i byggeperioden:

- Gjennom de fem årene arbeidet har pågått, har det bare vært femten ulykker som har ført til mer enn tre dagers arbeidsfravær – og totalt har sykefraværet i perioden ligget på 2 %, sa han.

Kan tenkja nytt

I tillegg til Simensen sto direktør Bernt Bauge, ballettsjef Espen Giljane og styreleiar Ellen Horn ved kunstnarinngangen for å ta i mot dei tilsette i dag tidleg. Heile dagen var sett av til feiring – og tilvenjing til det nye huset.

Pressen var òg invitert på omsyning til dei områda som først skal i bruk; prøvesalar, øverom, administrasjon, ulike kontor og samlingsområdet i kantina. Smakebiten var apetittvekkjande; dei reine, romlege prøvesalane er ikkje berre av ein annan kaliber enn før, men oppfyller etter kva me forstår dei tilsette sine forventningar til fulle.

- Det har jo vært skrevet en del allerede om akustikken, både på hovedscenen og i orkesterprøvesalen. Og det er bare til å slutte seg til – akustikken er helt fantastisk! seier tenor Kjell Magnus Sandve til Ballade.

Ser du for deg utfordringar i flytteprosessen?

- På Youngstorget måtte vi slite med å bære ut over orkesteret. På denne scenen kan man tenke helt nytt. Kanskje kommer vi til å synge for stort i begynnelsen – jeg tror utfordringen for vår del ligger i å venne seg til at vi kan slappe av og stole på at det bærer, seier Sandve.

Òg fiolinist i operaorkestret, Anne-Lise Vabø er nøgd med det nye bygget. Orkesteret var mellom dei første som flytta verksemda til Bjørvika, og har nytta sin prøvesal sidan september. Med det er først no dei kjem seg rundt i bygget.

- Det er klart vi er fornøyde, men det vil også bli spennende – vi vet ikke enda hvordan ting kommer til å fungere. Så langt er overgangen fra øving på kott og i garderoben til å ha tilgang til egne øverom noe av det jeg setter størst pris på, seier Vabø.

Innanfor budsjettet

Gul marmor og eventuelle meirkostnader var ikkje tema i dag. Informasjonsansvarleg frå Statsbygg, Mette Nordnes, understreka heller at dei har komme i land med prosjektet under budsjettert kostnad.

- Vi mener jo at det er godt gjort å ha kommet i land med et så komplisert bygg – både med store byggetekniske utfordringer og med utfordringene tilknyttet utviklingen i byggemarkedet – uten å gå ut over rammene, verken i tid eller økonomisk. Så vi er veldig fornøyde. Dette har vi jobbet for i ti år, og det har vært noe som har ligget langt fremme i tid. Derfor føles det nokså utrolig at dagen endelig er her, sa Nordnes til Ballade i dag.

For publikum opnar operaen først 12. april. Dei neste framsyningane etter åpningsgallaen er balletten ”Et moderne sted” med premiere 25. april og operaen ”Jorden rundt på 80 dager” med premiere 26. april. For meir informasjon om operaens program, sjå operaens nettsider.

Kommentarer:

Vil fjerne IFPI og FONO fra forhandlingsbordet

Artistene ønsker GRAMO som felles forhandlingspartner med NRK. Det vil ikke plateselskapene gå med på.

Ingen utbetaling

GramArt og MFO forventer at uteblitt vederlag fra 2009 og 2010 snarest utbetales av IFPI-selskapene.

Ofrer halvparten

Små norske forlag må gi fra seg halvparten av rettighetene for å kunne lansere artister utenlands. Dette hemmer inntektsflyten tilbake til Norge.