Førdefestivalen med fransk fokus

Émotions Françaises – franske kjensler, er tema på Førde Internasjonale Folkemusikkfestival som starter på torsdag. Her er nokon av dei norske navnene som stiller på scenene i Førde.

04.07.2007 | Av: - Red.

Førde Internasjonale Folkemusikkfestival kjem til å koke av franske kjensler i sommar, men festivalen kan også dette året presentere nokre av dei aller fremste norske folkemusikarane på programmet. Festivaldirektør Hilde Bjørkum seier i ein pressemelding at festivalen har eit ansvar for å formidle den norske folkemusikken til eit stort publikum, og gler seg over eit norsk program med stort mangfald.

Profilerte artistar

Storm Weather Shanty Choir frå Stord kjem til Førde med ramsalte sjantiar og 150 år gamle coverlåtar

Folkesongaren Unni Løvlid frå Hornindal vitjar denne gongen festivalen saman med pianisten Liv Glaser. Som ein del av minnemarkeringa etter Edvard Grieg, vil dei presentere eit konsertprogram med utgangspunkt i Griegs "Norske Folkeviser opus 66", "Haugtussa" og "Lyriske stykker".

- Grieg var ein av dei første i Norge som tok folkemusikken inn i kunstmusikken, og for mange har Grieg sine komposisjonar vore deira første møte med den norske folkemusikken, uttalar festivaldirektør Hilde Bjrøkum i følge ein pressemelding.

Konsertserien Tett på

Valdresduoen Mattisgard & Røine byr på pasjonerte og grovkorna tolkingar av balladar, skillingsviser og slåttestev.

Anne Hytta frå Telemark er ein av dagens fremste unge hardingfelespelarar, og vann Folkelarmprisen 2006 for debutplata "dag, kveld, natt".

Premiere på tre forestillingar

Dansekompaniet FRIKAR kjem til Førde med ei forestilling der seks av Norges sprekaste lausdansarar. 'KRUK!' er Dansekompaniet si andre oppsetjing, og forestillinga har Norgespremiere på festivalen.

Sigrid Moldestad har nypremiere på si sjølvskrivne "TAUS". Forestilinga tek utgangspunkt i historia om ei rekkje kvinnelege spelemenn frå Nordfjord og Sunnmøre heilt tilbake til 1700-talet. Forestillinga hadde premiere i Bergen denne våren, og forestillinga på festivalen er den første i fylket.

Oppsetjinga av teaterstykket "Rekneprinsen" av forfattaren Erna Osland frå Høyanger, er eit nytt samarbeid mellom festivalen, Sogn og Fjordane Teater og Sogn og Fjordane fylkeskommune.

Musikk for den danseglade

Søndre Trondhjems Spellemannslag spelar svingande dansemusikk frå Trøndelag. Sigmund Eikås og Joar Skorpen vil spele danseslåttar frå Sunnfjord, og trioen Hått vil spele hardingfelerunddans frå Telemark, Numedal og Valdres.

Dette i følge en pressemelding.

For komplett program og mer informasjon gå til festivalens hjemmeside. Festivalen er i perioden 5. - 8. juli.

Kommentarer:

Vil bli mer bevisst

Kaja Gunnufsen mener at oppdraget for H&M Loves Music har fått en bismak.

Herheims Salome og resirkulerte sjokk

KRONIKK: Når «Salome» presenteres i operaen, forventer publikum å få et sjokk. Hva slags radikalisme er dette, spør Hedda Høgåsen-Hallesby.

Fabrikker faller og festen fortsetter

INNLEGG: Har artistene som stiller opp på H&M-festivalen tatt diskusjonen rundt det faktum at de fronter en sterkt kritisert tekstilindustri, spør Jenny Dellegård.