Ei musikalsk bru mellom Noreg og Kina

Sist vinter møtte kvedaren Unni Løvlid Dong-musikken i landsbyen Tang'An i Kina. Her traff ho unge tradisjonsbærarar frå ein sterk minoritetskultur. Fire av dei vart inviterte til Norge, og no kjem dei til Førde Internasjonale Folkemusikkfestival, der dei mellom anna skal spele saman med Løvlid, Frode Haltli og Terje Isungset.

Del artikkelen på:
                    |     Mer

Unni Løvlid på Balladefest 2004

Songarane Wu Chuan Ping, Lu Yingmei og Pan Xin Zhi, og Wu Anhua Dongliang som speler Dongpipa, oksebeinsfele, Dongfløyte og instrumentet lusheng, kjem alle frå Liping fylke i Guizhou-provinsen i Kina.

Dong-folket har sitt eige språk, og hadde ikkje skriftspråk før i 1958. Historia, segner og forteljingar har vore fortalde gjennom songen. Slik nyttast songen den dag i dag, og du får høyre songar om arbeidet på åkrane, for å by på vin til gjestar, for å vise kjærleik og for å få borna til å sove.

På Førde Internasjonale folkemusikkfestival får du høyre desse fire musikarane åleine og i samspel med Unni Løvlid, akkordeonisten Frode Haltli og perkusjonisten Terje Isungset. I den kinesiske delen av konserten vil vi få høyre Dong-musikk som har røter i dagleglivet i landsbyane Dimen, Gaotun, Ti Tang og Tang An.

Dei fire musikarane er født og oppvakse i fire forskjellige Dong-landsbyar. Som unge dyktige utøvarar har dei eit stort felles repertoar av Dong-musikk, i tillegg til musikalsk materiale frå kvar sin landsby. Alle fire har fått høve til å utvikle seg som musikarar gjennom eit økomuseumsprosjekt i landsbyen Tang’An, der musikken gjennomsyrer kvardagen. Prosjektet står for innsamling, dokumentasjonsarbeid, praktisering og formidling av Dong-musikken. Dei fire er sterke personlegheiter som utfyller kvarandre både scenisk og musikalsk.

Unni Løvlid frå Hornindal i Sogn og Fjordane er ein av våre fremste unge utøvarar i vokal folkemusikk. Unni har gått i lære hjå fleire kjelder heime i Hornindal, mellom anna Marta Seljeset Frøland. Ho er utdanna ved Norges Musikkhøgskole og er no frilansmusikar. Ho underviser blant anna ved Ole Bull Akademiet og Norges Musikkhøgskole. I tillegg til å være soloutøvar, er ho med i ensembla Rusk og Fjøgl.

Løvlid har sjølv plukka ut dei norske musikarane som skal spele saman med dei kinesiske utøvarane. Frå sin eigen trio Rusk har ho henta Frode Haltli, trekkspelkomet som liker seg både i folkemusikk, jazz og samtidsmusikk. I tillegg til Haltli kjem Terje Isungset med sine heimelaga instrument av tre, stein, metall og is.

”Møte på ei bru” er ein del av eit økomuseumsprosjekt der Riksantikvaren samarbeider med Guizhou-provinsen. Hovudmålet er å integrere natur- og kulturarven i sjølvforståinga til minoritetsgrupper, i denne samanheng Dong-folket. Rikskonsertane, Førde Internasjonale Folkemusikkfestival og Utanriksdepartementet er òg med i samarbeidet.

Del artikkelen på:
                  |     Mer

Kommentarer:

Kom gjerne med informasjon, argumenter og synspunkter. Du kan enten kommentere via din Facebook-profil, eller, om du ikke har det, via vårt lokale kommentarsystem. Vi krever uansett at du underskriver med fullt navn. Alle kommentarer må godkjennes av redaksjonen før de offentliggjøres (mer om Ballades kommentarsystem). På forhånd takk!


Lokale kommentarer:

Legg til ny lokal kommentar

Ingen lokale kommentarer er lagt til

Siste fra forsiden

Marianne Sveen (Foto: Linn Carin Dirdal)

Skriver på fonetikk og overtoner

– Uten at man tenker over det bevisst, så tror jeg det er overtonene som inviterer til ulike melodier, sier Marianne Sveen. Ballade møtte artisten og komponisten til en prat om det å skrive musikk.Les mer om dette

F.v. Helene Myklemyr Bolstad (nestleiar), Per Øyvind Tveiten (leiar) og Mari Skeie Ljones (nestleiar) i FolkOrg
 (Foto: Knut Aastad Bråten)

Unyanserte påstander

INNLEGG: I programmet Vårt lille land på TV2 sist søndag fremstiller Gerhard Helskog folkemusikken som et pengesluk, og stiller spørsmål om tilskuddene bidrar til å stagnere utviklingen. Fremstillingen er både feil og unyansert, mener FolkOrg – organisasjon for folkemusikk og folkedansLes mer om dette

Caroline Ailin (Foto: Presse)

Kunsten å forstå en artist

Låtskriver Caroline Ailin gjør kommersiell karriere i London. Snart går turen også til USA. - Det handler om å finne balansen mellom det ingen andre har gjort og noe som appellerer, sier hun.Les mer om dette



Ballade · Kongens gate 24 , 0153 Oslo
  Redaktør Ida Habbestad · ida@ballade.no
Vil du annonsere i Ballade? Ta kontakt med: Sture Bjørseth · sture@ballade.no · Mob: 95 43 60 31
Ballade drives etter redaktørplakaten og vær varsom-plakaten