Polsdans og Plagiata - i Hilmar Alexandersens fotefar
For tida presenterar Rikskonsertene forestillinga "Skal - Skal Ikkje" med m.a. Øyonnn Groven Myhren og Kvarts. Neste forestilling med folkemusikk vert "Polsdans og Plagiata - i Hilmar Alexandersens fotefar" i oktober - eit meistermøte mellom spelemenn og dansare.
Hilmar Alexandersen (1903-1993) blir rekna som ein av dei aller fremste bygdespelemennene vi har hatt her i landet. No blir han heidra av nokre av dagens fremste spelemenn. Dei har laga ein forrykande konsert der Hilmar Alexandersen og musikken hans er satt i sentrum.
Konserten "Polsdans og Plagiata" er eit meistermøte mellom unge spelemenn og spelemenn med lang erfaring. Dei har alle markert seg heilt i toppen innan norsk folkemusikk. Einar Olav og Gjermund Larsen hadde begge Hilmar Alexandersen som læremeister då dei var små. Saman med Petter Andreas Røstad jr., Martin Myhr og Geir Egil Larsen legg dei ut på vegen i haust for å la oss oppleve musikken til Hilmar Alexandersen.
På "Polsdans og Plagiata" opptrer Einar Olav Larsen (fele, hardingfele, klaver og kontrabass), Gjermund Larsen (fele, hardingfele, cello og gitar), Petter Andreas Røstad jr. (trekkspel), Martin Myhr (bjønndans og hallingdans) og Geir Egil Larsen (fløyter, lur og bukkhorn). Den sistnemde er og programleiar.
Turnérute for "Polsdans og Plagiata":
- 13 oktober: Levanger
- 14. oktober: Namsskogan
- 15. oktober: Røyrvik
- 16. oktober: Lierne
- 17. oktober: Nærøy
- 18. oktober: Inderøy
- 19. oktober:Verdal
- 20. oktober: Namdalseid
- 21. oktober: Namsos
- 22. oktober: Meråker
- 23. oktober: Stjørdal
| Av: - Red.
Kommentarer:
Kom gjerne med informasjon, argumenter og synspunkter. Du kan enten kommentere via din Facebook-profil, eller, om du ikke har det, via vårt lokale kommentarsystem. Vi krever uansett at du underskriver med fullt navn. Alle kommentarer må godkjennes av redaksjonen før de offentliggjøres (mer om Ballades kommentarsystem). På forhånd takk!Siste kommentarer:
Siste fra forsiden
Ofrer halvparten
Små norske forlag må gi fra seg halvparten av rettighetene for å kunne lansere artister utenlands. Dette hemmer inntektsflyten tilbake til Norge.
Allmøte i Stavanger
Er øvingslokaler kommunens ansvar, eller er det en næring det skal lønne seg å satse på?
